Tenesteomtale

Barnehagen skal i samarbeid og i samråd med heimen ta vare på barnet sitt behov for omsorg og leik og fremje læring og danning som grunnlag for allsidig utvikling. Det skal m.a. takast omsyn til:

• alderen til barna
• funksjonsnivå
• kjønn
• sosial, etnisk og kulturell bakgrunn

Målgruppe

Born 1 til 6 år som bur i kommunen.

Kriterium/vilkår

Desse blir prioriterte ved opptak:

• Barn med nedsett funksjonsevne
• Barn som barnevernstenesta har overteke omsorga for
• Barn som treng hjelpetiltak frå barnevernstenesta

I tillegg har barnehagane eigne opptakskriterium.

Pris for tenesta

Stortinget fastset kvart år ein maksimalpris, eit øvre tak for kor mykje foreldre må betale for ein barnehageplass. Gjeldande satsar finn du her. Det skal betalast for 11 månader, dvs eit barnehageår.
Foreldrebetaling blir fakturert midt i den månaden fakturaen gjeld for

Kommunen skal sørgje for at foreldre med meir enn eitt barn i barnehage får reduksjon i foreldrebetalinga. Dette gjeld uavhengig av om barna går i forskjellige barnehagar og i barnehagar med forskjellige eigarar. Samla årleg foreldrebetaling skal for det første barnet utgjere maksimalt 6 % av den samla skattepliktige kapital- og personinntekta i hushaldet. For andre, tredje og fleire barn blir foreldrebetalinga sett til høvesvis 70 og 50 prosent av foreldrebetalinga for det første barnet.

Frå 1. august 2016 har alle 3-, 4- og 5-åringar som bur i hushald med låg inntekt, rett til å få 20 timar pr. veke gratis opphaldstid i barnehage. Den ordninga gjeld for familiar eller hushald som har ei samla inntekt på mindre enn 417 000 kroner. Dette gjeld òg barn med utsett skulestart.

Samarbeidspartnarar

• Helsestasjonen
• PPT
• Barnevernet

Rettleiing - korleis få utført

Du søkjer om barnehageplass i foreldreportalen til Visma Flyt barnehage. Denne finn du lenkje til på heimesida til Kviteseid kommune. I foreldreportalen svarar du også på om du tek i mot tilbod om plass.

Skjema

Vedlegg

Uttale frå sakkyndig instans skal leggjast ved søknaden dersom barnet ditt har rett til prioritet.

Søknadsfrist

1. mars

Klagemulighet

• du har fått avslag på søknaden om barnehageplass
• du har fått plass, men ikkje fått oppfylt verken første eller andre ønske
• du har fått avslag på søknad om redusert foreldrebetaling eller gratis kjernetid.